Bonbiní!

Bonbiní na e kurso di Liber di Peliger pa boluntarionan adulto di Scouting Antiano. Komo un movementu basá riba balornan, nos ta preokupá pa e seguridat i bienestar di tur esnan inbolukrá den Scouting. Pesei ta importante pa nos tur sa kiko ta nos responsabilidatnan i sa kiko pa hasi si nos ta den un situashon inapropiá òf no aseptabel.

E kurso aki tin komo ophetivo pa tur miembro adulto:

• Komprondé kon pa rekonosé i prevení komportashonnan inapriopiá i kiko pa hasi den diferente situashon.
• Komprondé unda pa bai pa haña ayudo òf apoyo
• Komprometé na e kódigo di kondukta i konosé e Maneho i Guia di keho di Scouting Antiano.

Deskubrí kon bo por yuda kontribuí na krea i mantené un ambiente sano i sigur pa nos tur.